محاوره بين تمساح شايب وسحليه عجوز ههههه

هلوووووووووووووووووووو شباب وبنات

اليوم تعالوا نشوف هذول الاثنين شلون تزوجوا ماادري

اترررررررككم تستمتعون

بس لا تصدكون بالسحلية

السحلية /

ابكي على ما جرى لحظي الردي * يومٍ هلي زوجوني للقروي
شعره فلافل عكش و ملتوي * يا ليت منهو بطلاقي يقنعه

التمساح /

جعل العمى يعمي قلبك يا مره * ثور انا يوم خذتك يا بقره
عليك برطم قطعا ما اكبره * عفريتة الجمس تعجز ترفعه

السحلية /

راسه صغير تقول ببسي علب * والخشم في وجهه مسوي المطب
املط محكحك وما عنده شنب * حسبي على اللي جمع شملي معه

التمساح /

ياناس انا احلى ترا منها شوي * وهي قصيره وانا اطول شوي
سودا تراها وانا افتح شوي * باقي لها ضرس ودي اقلعه

السحليه /

الوجه املط وخالي من الشعر * لوتسمده بالسماد ما ظهر
وصخ لصخ ما غسلة من شهر * يا ليت منهو بديزل لمعه

التمساح /

في بالها الشمبو ما عمره خطر * تستعمل افليت تفتكره عطر
وهي على المجتمع اكبر خطر * في صدرها فار دايم ترضعه

السحلية /

يا ناس زوجي ترا اسود من الكفر * ترا ضروسه من الدخان صفر
وجهه يخوف ومليان نفر * الموت اريح من العيشة معه

التمساح /

عليها جبهه تقول ماصة كوي * برطمها مال دفاع مدني
والوجه كنه مقفى بربري * والي يريده بعركه تنفعه

السحلية /

يا ناس زوجي يسمى ابو علي * شكله غلط لاعب فيه اجدري
وجهه معفط يرادله سمكري * جبهته ثلاثة امتار في اربعه

التمساح /

تراها شيفه وفي حلكها غرب * يا ويل من هو لمسها واقترب
انا اشهد انه من الموت اقترب * لوشمها حمار والله تصرعه

السحليه /

يا ناس ابغى اتطلق واستريح * واخلص من وجه هذا القبيح
متى تصيده الجلطه ويطيح * ويسلط الله عليه وتصرعه

التمساح /

روحي تراك بالثلاث طالقه * والي يبي فرقتي بفارقه
اسنين وانتي معي في مخانقه * قطعة عجوز وانتي قرمبعه

السحليه /

طلقتني واحمد الله واشكره * طلقتني ومات من الجن عشره
من فرحتي بذبح اليوم ابقره * هم على قلبي ربي ابعده

هههههههههههههههههههههههههه هم زين خلص التمساح منها ........من البداية وطلكها

هههههههههههههههههههههههه
مشكور حبي ع الموضوع

مشكور حمودي على مرورك الرائع