اهلا وسهلا بكم في منتديات دموع الورد
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 مجموعة ابو ذيات تخبل

اذهب الى الأسفل 
كاتب الموضوعرسالة
مـحمـد الــ ع ــراقي
الدعم الفني
الدعم الفني
avatar

علم الدوله : جمهورية العراق
ذكر الميزان عدد المساهمات : 64
نقاط : 354
تاريخ الميلاد : 02/10/1990
تاريخ التسجيل : 01/09/2009
العمر : 27
المنتدى : منتديات دموع الورد

مُساهمةموضوع: مجموعة ابو ذيات تخبل   الخميس نوفمبر 19, 2009 2:31 pm

اخذ يمك گلبنه و بي تهنه
و اكل من زاد روحي و بي تهنه
حبيبي انت اهلنه و بيت اهلنه
و اعز من الاهل طلتك عليه
أبطن الحوت يونس ونته بيهة
المحاسن نسل منك ونته بيهة
لا تحرك مهجــتـي ونته بيهة
خوفي عليك مو خوفي عــلـية
عليه انشد ياصاحب بعد مابي
وجفن عيوني وشل دمع مابي
اذا تنساني شلي بعمري مابي
شسوي بعمري اذا رحت من اديه

*************************
ترى بموتي المصايب خيرني
ونطق كلبي بمحبتك خيراني
حبيبي يريد اعوفه خيراني
وانه مااكدر اعوفه شلون بيه
*************************
عليك افراحي راحت سلمني
وعذولي من النواحي سلمني
احس من عفت خلي سلمني
وكلت راح وبعد شيرده اليه
عزيزة الروح ترفض ما ردتهة
وبفراكك انتة يصاحب مردتهة
وعلي شحت أوصالك من ردتهة
شنه الغيبة يالغالي علـية



كتلني الشايل اوراقه وكتبه
ولعب بيه الهوى طره وكتبه
لدك اسمك على كليبي واكتبه
ودز الروح لعيونك هديــه



بمعاميلج ولج ياروح صفي
وصار بعيد ذاك الجان صفي
اذكر مره صفك جان صفي
بنفس المدرسه ونلعب سويه
حرت ليهسه احبك هل لساني
وكل ميهل دليلي هل لساني
هلس ولله غيابك هلساني
وصفه جلد وعضم ساتر عليه
ألف شاطي الدره ابظيمي ولفراك
أوغرامك فج جرح كلبي ولف راك
اوعلي من اذكر ايامك ولفراك
أكول اشواية الله عله المنيه
شعجب وياك مامقبول عذري
وانت ابن العشاير جمع عذري
حبنا وياك يامدلول عذري
جميل وقيس صار ونهم الية
___________________________
روحي اتسب هجر روحك حشاها
مريضة ابهل سبب صارت حشاها
اظن فكري الذي الكم حشاها
على كيفك فلاتحمل اذية
_____________________________
اغط الكلب وسط البحر ينباك
لان يهوى كعدتة دوم ينباك
اذا اسلاح البديك ابغفل ينباك
اشلون اتاملك تنطر علية
علي كول
احجي شما ردت تحجي علي كول
اصيل وما اهم انة عل يكول
جنت هداف شو جابو علي كول
وخسارة عشرتك شوطين هية
ماهمني
علي صدك سهامك ماهمني
أذا جتك ردية ماهي مني
ألي رب يعرفني ماهملني
يخلصني اذا طحت بلية
يهل تنشد اشلون الحال وشباك
ابهوه ولفي طحت بشراك وشباك
لون واشي ابهوى الخلان وشباك
الف واشي انه التمو عليه
يروحي اتمعني ابوكتج وجربيه
وينشدني الوكت جم نوب واجربيه
ان جان الملح بيه حوبه واجربيه
اشعجب ملحي انكلب ضدي عليه
اهلك من حلات البيك ميتين
وطعم شفتك يبعد الروح مي تين
اليشوفك سكرة يصعد ميتين
ويصعد من يبوسك تسعمية


جم مرسال الك يسمر ملـيتة
ودمع جف إيدي من بعدك مليتة
من صبري الصبر مل و مليتة
وحياتي أصبحت وحشة مغربية

غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه


ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه

اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية
ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية


الوكت وياي ياصاحب ولك مال

وكضيت العمر لاناجح ولكمال

حتى الجان يوصلني ولك مل
****************
كطع جيته ولا ينشد عليه
الرجوع الى أعلى الصفحة اذهب الى الأسفل
http://dmo3-alwared.mam9.com
 
مجموعة ابو ذيات تخبل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دمـــوع الـــورد :: المنتديات الادبية :: منتدى الشعر الشعبي-
انتقل الى: